Avropa İnsan Haqları Məhkəməsi (AİHM) qondarma erməni soyqırımını inkar edən türk siyasətçinin apellyasiyasına baxır.

Axar.az xəbər verir ki, Türk İşçilər Partiyasının sədri Doğu Perinçək 2005-ci ildə, İsveçrədə, erməni soyqırımını "beynəlxalq yalan" adlandırıb.

Tanınmış insan haqları müdafiəçisi Amal Kluni məhkəmə prosesində üçüncü tərəf sayılan Ermənistanı təmsil edir.

Britaniyanın" Teleqraf" qəzetinin müxbiri Bruno Vaterfild məhkəmədə iştirak edib. Məhkəmə zalında çoxsaylı fotoqrafçıların olduğunu şərh edən jurnalist yazıb:

"Söz azadlığı ciddi məsələdir, lakin AİHM media sirki ulduz Amal Kluni üçün buradadır. O, həm də vəkildir".
Ötən il Hollivud ulduzu Corc Kluni ilə evlənən xanım vəkil beynəlxalq populyarlıq qazanıb. Hazırda gedən məhkəmə işi Fransanın Strasburq şəhərində yerləşən AİHM-də keçirilir.

Doğu Perinçək 2005-ci ildə erməni soyqırımını ictimai şəkildə inkar edəndən sonra "İsveçrə-Ermənistan" assosiasiyası ona qarşı məhkəmə işi qaldırıb. 2007-ci ildə cənab Perinçək irqi diskriminasiyada təqsirli bilinib.
2014-cü ildə İsveçrə hökuməti məsələni məhkəmənin Böyük Palatasına yönəldib və hazırda bu apellyasiya şikayətinə baxılır.