Ötən həftə La-Manş boğazı üzərində uçan Rusiyaya məxsus Tu-95 bombardımançı təyyarələrdən birində nüvə başlığı daşıyan raket olub.

Axar.az xəbər verir ki, Norveç hərbi kəşfiyyatı təyyarələrin pilotları arasında gedən danışıqları dinləyib.

Pilotlardan biri təyyarədə nüvə başlıqlı "Trident" raketi daşıdığını bildirib.

Norveç hərbi kəşfiyyatı məsələ barədə İngiltərənin Baş naziri Devid Kemerona və Müdafiə naziri Maykl Fellona məlumat verib.

Qeyd edək ki, yanvarın 29-da Böyük Britaniya kəşfiyyatı La-Manş boğazı üzərində iki rus bombardmançı təyyarəsini aşkarlayıb. Tu-95MS təyyarələri İngiltərənin Bormunt şəhərinin yaxınlığında uçuşlar gerçəkləşdirib.