Qondarma Luqansk Xalq Respublikasının Pereval rayonunun hərbi komendantı Gennadi Şirkonun öldürülməsi ilə bağlı məlumatlar təsdiqlənib.

Axar.az xəbər verir ki, bu barədə "Prava Sprava" vətəndaş cəmiyyətinin rəhbəri Dmitri Sneqiryov məlumat yayıb.

Onun sözlərinə görə, həmçinin, separatçıların "Xuliqan" ləqəbli komandirinin də öldürülməsi ilə bağlı məlumatlar dəqiqləşdirilir.

"Əldə olunan məlumata görə, "Xuliqan" aldığı ağır yaralardan ölüb. Onun dəstəsi Ukrayna hərbçiləri ilə döyüşdə ciddi itkilər verib", - Sneqiryov yazıb.

Onun sözlərinə görə, ukraynalı hərbçilər "Bendeks" ləqəbli Bondarenko və "Betmen"in dəstələrini demək olar ki, məhv ediblər.