Ana səhifə Planet |
Bir insan haqqında onun özünün, ya da vəkilinin müdafiəsinə imkan vermədən belə bir qərar çıxartmağın dünyada bənzəri yoxdur.
Axar.az xəbər verir ki, bu sözləri dövlətə xəyanətdə ittiham olunan Pakistanın sabiq prezidenti və hərbi lideri Pərviz Müşərrəf ölüm hökmünə məhkum edilməsi haqda danışarkən deyib.
“Bu məhkəmə işi yüksək vəzifələrdə çalışan bəzi şəxslərin məndən intiqam alması üçün başladılıb. Onlar qanundan öz məqsədləri üçün istifadə edirlər”, - o bildirib.
Sabiq prezident ordu və xalqa verdikləri dəstəyə görə təşəkkür edib:
“Vəkillərimlə görüşüb qərar verəcəyəm. Hüququn aliliyinə əsaslanan Pakistan məhkəməsinə güvənirəm”.
Qeyd edək ki, 2001-2008-ci illərdə Pakistanın prezidenti olmuş P.Müşərrəf barədə ittiham onun 2007-ci ildə Konstitusiyanın bəzi maddələrini dayandırması və fövqəladə vəziyyət elan etməsi ilə əlaqədardır.
Pakistan Silahlı Qüvvələri Pərviz Müşərrəf haqqında qəbul edilən ölüm hökmünə etiraz edib.
Tarix
2019.12.19 / 09:59
|
Müəllif
Aqşin Evrən
|