İosif Stalinin adının Rusiya tarixinə yalnız qara hərflərlə yazılacağına ümid edirəm.

Axar.az xəbər verir ki, bu barədə Rusiyanın Liberal-Demokrat Partiyasının lideri Vladimir Jirinovski Teleqram kanalında yazıb.

“Kommunistlər Stalinin doğum günü münasibətilə onun məzarına, aprelin 22-də isə Leninin məzarına çələng qoyacaqlar. Ən dəhşətli cinayətlər məhz Stalin rejimi zamanı törədilib. Repressiyalar və siyasi rejimlərin qurbanları dünyanın müxtəlif ölkələrində olub, ancaq Stalinin dovründəki qədər heç harda olmayıb. Milyonlarla insan məhv edilib. Vaxt gələcək və bu, qadağan olunacaq, bütün Qızıl meydan məzarlardan təmizlənəcək”, - deyə Jirinovski qeyd edib.

Onun sözlərinə görə, Rusiya tarixində Stalinin dövrü qədər dəhşətli bir dövr olmayıb.