İnteqrasiya çərçivəsində mübahisəli məsələlərin həlli üçün Rusiya və Belarusun siyasi həll yolu tapması qaçılmazdır.

Axar.az xəbər verir ki, bu sözləri Belarus Baş naziri Dmitri Krutoy deyib.

Krutoy bildirib ki, hazırda Moskva və Minsk neft və qazın qiyməti ilə bağlı yol xəritəsini razılaşdırmayıb, həmçinin vergi sferası ilə bağlı fərqli baxışa sahibdir:

“Ümid edirik ki, ölkə liderləri səviyyəsində ilinin sonuna kimi hər hansı müqavilə olacaq və bu məsələlərlə bağlı həll yolları müəyyən ediləcək”.

Qeyd edək ki, Kremlin mətbuat katibi Peskov Putinlə Lukaşenkonun ilin sonunda təbii qaz məsələsinin həlli ilə bağlı telefon danışığı aparacaqlarını istisna etməmişdi.