Ana səhifə Planet |
Ötən ilin sentyabr ayında möhtəşəm toy ilə ailə quran
dünyanın ən məşhur cütlüklərindən biri ayrılığın astanasına
gəlib.
ANS-in məlumatına görə, Corc Kluni ilə vəkil Amal Alamuddin
cütlüyünün arasının elə də yaxşı olmadığı iddia edilir. Livan
əsilli beynəlxalq statuslu vəkil olan Amal kinoulduz ərindən 200
milyon dollar ala biləcəyi bildirilir.
Qərb mətbuatının yazdığına görə, 4 aylıq evlilik cütlüyün fərqli
həyat tərzi keçirməsi səbəbilə dağılır. Daha bir ziddiyyətli səbəb
isə yaraşıqlı aktyorun Amalın ana olmasına qarşı çıxmasıdır. Bu və
ya müxtəlif səbəblərdən Corc Kluni ilə Amal Alamuddin arasında
tez-tez mübahisələr yaşandığı bildirilir.
Guya Amal Hollivudda nifrət edir və ərinin məşhur dostlarından
aralı gəzir.
Bu məşhur cütlüyün dəbdəbəli şəkildə evlənməsindən çox qısa
müddətdən sonra boşanma xəbərləri çoxlarını təəccübləndirsə də,
bunun hansısa layihənin planlı şəkildə inkişafının bir hissəsi
olduğunu düşünənlər də az deyil.
Ermənipərəst hüquqşünasın məhz qondarma erməni soyqırımının 100
illiyi öncəsi erməni lobbisi tərəfindən hazırlanmış bir layihə
olduğu istisna edilmir. Axı "erməni soyqırımını" dünyaya sırımaq
üçün məşhur simadan istifadə etmək lazım idi. Düzdür, ermənilərin
Kim Kardaşyan kimi pornoulduzu var, amma daha mötəbər bir ada
ehtiyac duyulurdu. Bu ad Amal Alamuddin oldu. Hətta Amal
Alamuddinin Livan ermənilərindən, yəni erməni əsilli olduğu da
iddia edilir. Bir sözlə, hadisələrin gedişatı bu şübhələrin
həqiqətə daha yaxın olduğuna işarədir.
Livanın paytaxtı Beyrutda doğulan 37 yaşlı Amal 53 yaşlı Corca ərə
gedəndə, hər halda hansı addımı atdığını bilirdi. Dünya mediasının
işıqlandırdığı təmtəraqlı toy xəbərləri və Amal Alamuddin adlı
vəkilin beynəlxalq arenaya tanıdılması hər halda təsadüfi deyildi.
Corc Kluni özü də bu izdivaca qol çəkərkən hər halda nə etdiyinin
fərqində idi. Amma biz indi Amalın üzərində dayanacağıq. Çünki
boşanmaq istəyən odur və həmin bu Amal Avropa İnsan Haqları
Məhkəməsinə (AİHM) Avropa məhkəməsində "erməni soyqırımını"
müdafiəsinə qalxacaq. Bəli, məhz Amal qondarma soyqırımının
tanıdılması üçün Ermənistanın hüquqlarını müdafiə edəcək. Bu
xanımın dünyanı idarə edən nəhəng qüvvələrə xidmət göstərdiyini
sübut etmək çox asandır. Bu xanım ermənilərdən əvvəl "Wikileaks"ın
qurucusu Culiyan Assanc və Ukraynanın sabiq baş naziri Yuliya
Timoşenkonun vəkilliyini etmişdi.
"Erməni soyqırımı beynəlxalq yalandır" sözləri ilə İsveçrədə
cəzalandılıran Türkiyə Fəhlə Partiyasının (İP) sədri Doğu Perinçək
İsveçrədə təzminat cəzasına məhkum edilməsindən sonra, 2008-ci ildə
məsələni Avropa İnsan Hüquqları Məhkəməsinə (AİHM) qədər çıxarıb və
onun İsveçrə əleyhinə qaldırdığı şikayəti təmin edilib. Bu məsələ
qondarma soyqırımın 100 illiyi ərəfəsində yenidən gündəmə
gətirilərək, üçüncü tərəf kimi Ermənistanın da iştirakı qeydə
alınıb. Prosesdə üçüncü tərəf olaraq adıçəkilən Ermənistanı məhz
Amal Alamuddin təmsil edəcək.
Tarix
2015.02.12 / 13:40
|
Müəllif
Axar.az
|