"Bu günlərdə neftin qiyməti rublun kursuna təsir etmir".

Axar.az xəbər verir ki, bunu rusiyalı müxalifətçi Boris Nemtsov söyləyib.

O, Minsk görüşünün nəticəsinin Rusiya valyuta bazarında müşahidə edildiyini bildirib:

"Minskdə danışıqların necə getdiyini ən yaxşı valyuta bazarında müşahidə etmək olar. Bu gün səhər Rusiyada dollar bahalaşaraq 67,4 rubl oldu. Bu hadisə Merkel, Olland, Putin və Poroşenko tərəfindən hazırlanan sənədi separatçılar imzalamaqdan imtina etdikdən sonra baş verdi. Daha sonra danışıqlar davam etdi və rubl 66-66,5-ə çatdı. Bu günlərdə neftin qiyməti rublun kursuna təsir etmir. Neftin qiyməti ancaq Ukrayna ilə müharibəyə təsir edir. Əgər onlar razılaşmasa, hər şey daha da çətinləşəcək".