Ukrayna hərbçiləri ilə qarşıdurmada terrorçular böyük itkilər verib. Kəşfiyyatın məlumatına görə, son sutka ərzində baş vermiş döyüşlərdə 100 separatçı öldürülüb, 180 nəfər isə yaralanıb.

Axar.az xəbər verir ki, bu barədə Ukrayna Anti-terror Əməliyyatı Mərkəzindən məlumat verilib.

"Dünənki gün də göstərdi ki, düşmən mülki yaşayış məskənlərinə zərbələr endirməkdə davam edir. Dünən "Qrad" zərbələrindən Şastiyada 6, Qornyakda 5 və Artyomovkada 3 mülki vətəndaş həlak olub. O insanlar əllərinə heç vaxt silah almayıb. Onları doğma torpaqlarında özlərini "Donbasın müdafiəçiləri" adlandıranlar öldürüb", - məlumatda deyilib.