Donetsk separatçılarının lideri Aleksandr Zaxarçenko Debaltsevo ətrafında gedən döyüşlərdə yaralanıb.

Publika.az xəbər verir ki, bu barədə "LifeNews" telekanalı bildirib.

Telekanalın məlumatına görə, Zaxarçenko Debaltsevo şəhərinin mərkəzi küçələrindən birində topuğundan güllə yarası alıb. Zaxarçenko üç yaralı döyüşçü ilə birlikdə Alçevskə çatdırılıb. Onun özünü yaxşı hiss etdiyi deyilir.

Qondarma qurumun "Müdafiə Nazirliyi"ndən "RİA Novosti" xəbər agentliyinə verilən açıqlamada Zaxarçenkonun hazırda cəbhə xəttində olduğu təsdiqlənsə də, onun yaralanması haqqında xəbərsiz olduqlarını bildiriblər.