Ana səhifə Planet |
Ekspertlər Türkiyə xaricində yeganə ərazisi olan Süleyman Şah türbəsinin niyə bu qədər önəm daşıdığına aydınlıq gətiriblər.
Axar.az Türkiyə mətbuatının dərc etdiyi mətnin bir qismini təqdim edir:
"Süleyman Şah Osmanlı dövlətinin qurucusu Osman qazinin babası olub. 1200-ci ildə monqol istilası zamanı 50 minlik təbəəsi Anadoluya gəlib və Fərat sahilinə yerləşib. Səlib yürüşlərinə qarşı mübarizə aparmaq üçün Fələstinə getmək istəyərkən, Suriyada 1227-ci ildə Fərat çayında boğulub. Süleyman Şah və iki mühafizəçi Türkiyə sərhədindən təqribən 100 km məsafədə yerləşən Caber qalasında dəfn edilib. Türbənin xarici görüntü cəhətdən də Türkiyəyə məxsus olmasına heç bir şübhə yoxdur. 20 oktyabr 1921-ci ildə Türkiyə ilə Fransa arasında imzalanmış Ankara müqaviləsinin 9-cu maddəsinə əsasən, bölgə Türkiyə torpağı hesab edilib və Türkiyəyə türbədə qvardiya saxlamaq və bayraq asmaq hüququ tanınıb. Bu müqavilə Lozanna sülh müqaviləsində də təsdiq edilib. Həmçinin Suriya ilə 5 avqust 1956-cı il tarixli Hələb protokolu imzalanıb. Protokolda iki ölkə arasında bir ixtilafın olmadığı və məzarın mülkiyyətinin Türkiyəyə aid olduğu qeyd edilib. Türbənin yerləşdiyi sahə Türkiyənin sərhədləri xaricində malik olduğu yeganə ərazisidir. Tarixçilərin bildirdiyinə görə, Caber qalasındakı türbəyə həm Osmanlı dövründə, həm də cümhuriyyət zamanında böyük önəm verilib. Bir növ Süleyman Şah Türkiyənin nüfuzunun göstəricisi hesab edilir".
Tarix
2015.02.22 / 13:31
|
Müəllif
Pərviz Həsənov
|