Ana səhifə Planet |
"Rusiya Krımı işğal edib və oranın iqtisadi vəziyyətinə məsuliyyət daşıyır. Rusiyanın Ukraynaya hücumlarından sonra yarımadaya elektrik və qida verməyimiz ağılsızlıqdır".
Axar.az xəbər verir ki, bu açıqlama ilə Krım tatarlarının lideri Mustafa Krımoğlu çıxış edib. O, Ukraynanın yarımadanı Rusiyadan azad etməsi üçün Krıma tam embarqo tətbiq etməyin lazım olduğunu bildirib:
"Ukrayna Krıma qida və elektrik verilişini tamamilə dayandırmalıdır. Bu yarımadanın ilhaqdan xilas olmasına kömək edəcək. Embarqo hər şeydən əvvəl Krım rəhbərliyinin hirslənməsinə səbəb olacaq. Çünki onlar hazırda yarımadada çətin vəziyyətdədilər. Rusiya Krımı işğal edib və oranın iqtisadi vəziyyətinə məsuliyyət daşıyır. Rusiyanın Ukraynaya hücumlarından sonra yarımadaya elektrik və qida verməyimiz ağılsızlıqdır. Yarımadadakı Ukrayna tərəfdarı qüvvələr də Krıma embarqo qoyulmasını istəyir və bunu nə vaxt edəcəyimiz barədə soruşurlar. "Biz hər şeyə dözərik", - deyirlər. Onlar Rusiyanın işğal etdiyi Krımda gələcəyin olmadığını bilirlər. Buna görə də Prezident Poroşenko ilə Krıma tam embarqo qoyulması məsələsini təklif etdim".
Tarix
2015.02.27 / 16:17
|
Müəllif
İlham Sahiloğlu
|