Koronavirus pandemiyası səbəbindən qlobal iqtisadiyyat 1 faiz həcmində azala bilər.

Axar.az xəbər verir ki, bu barədə BMT-nin İqtisadiyyat və Sosial İşlər üzrə departamentinin hesabatında deyilib.

Bildirilib ki, pandemiya səbəbindən tətbiq edilən karantindən dolayı ticarət, əyləncə və nəqliyyat kimi fiziki hərəkət tələb edən sektorlara böyük zərbə dəyir.

Hesabatda, həmçinin işsizliyin müəyyən səviyyədə artacağı qeyd edilib.

Vurğulanıb ki, pandemiyanın qarşısının alınması üçün səhiyyə xərclərinə üstünlük verilməli, ən müdafiəsiz cəmiyyətləri qorumaq üçün təxirəsalınmaz və qətiyyətli qərarlar qəbul edilməlidir.