ABŞ ordusu İraq əsgərləri və yerli tayfaların dəstəyi ilə İŞİD-in Ənbar əyalətindəki Bağdadi bölgəsindən çıxarıldığını açıqlayıb.

Axar.az xəbər verir ki, sentyabrda İŞİD-in nəzarətinə keçən Fərat çayı üzərindəki bəzi körpülər və bir polis bölməsi də İraq ordusunun 7-ci diviziyası tərəfindən geri alınıb. ABŞ təyyarələri də əməliyyata havadan dəstək verib.

Xatırladaq ki, İŞİD Ənbar əyalətindəki Bağdadi qəsəbəsini keçən ay ələ keçirmişdi. Eyni zamanda, ABŞ əsgərlərinin İraq ordusuna təlim keçdiyi "Ayn Əsəd" hərbi düşərgəsinə hücum etsə də, ələ keçirməyi bacarmamışdı. Həmin düşərgədə 320 ABŞ hərbiçisi İraq ordusu əsgərlərinə təlim keçir.