Türkiyəyə yaxşı bir təklif edilsə, “Patriot” sistemlərini almağa hazırdır.

Axar.az xəbər verir ki, bunu Türkiyənin Xarici İşlər naziri Mövlud Çavuşoğlu Atlantik Şurasının Türk Mədəniyyəti və İrsi Fondu ilə birgə təşkil etdiyi videokonfransda deyib.

XİN rəhbəri bildirib ki, ABŞ-ın 10 il ərzində Ankaranın silah ehtiyaclarını qarşılanmasına biganə yanaşması Türkiyənin Rusiyadan S-400 zenit-raket kompleks sistemlərini alması ilə nəticələndi:

“Gələcəkdə daha çox hava müdafiə sistemlərinə ehtiyacımız olacaq. Əgər müttəfiqlərimiz bizə zenit-raket kompleksi sistemləri satarsa, onlardan alarıq. Söhbət təkcə ABŞ istehsalı “Patriot” sistemlərindən getmir. Digər sistemləri də dəyərləndirə bilərik. Misal üçün SAMP-T sistemləri. Olmasa, alternativ variantlar axtarmağa məcburuq”.

M.Çavuşoğlu qeyd edib ki, S-400 sistemləri ilə bağlı problemin həllinə münasibətləri dəyişməyib:

“ABŞ-a NATO-nun daxil olduğu texniki işçi qrupu yaratmağı təklif edirik. NATO bu texniki işçi qrupuna rəhbərlik edə bilər və bu təklif hələ də masadadır”.