Yəməndə husi qruplaşması Hudeydə şəhərində Səudiyyə Ərəbistanı liderliyindəki koalisiya qüvvələrinə aid kəşfiyyat təyyarəsini vurub.

Axar.az xəbər verir ki, bu barədə husilərə bağlı "Əl-Məsirə" telekanalı məlumat yayıb.

Məsələ ilə bağlı koalisiya açıqlama verməyib.

Qeyd edək ki, koalisiya qüvvələri ötən gün husi qruplaşmasının atəşkəs rejimini 1096 dəfə pozduğunu açıqlayıb.

Husi qruplaşması isə Səudiyyə Ərəbistanı liderliyindəki koalisiyanın Mərib və Əl-Cevf şəhərlərinə sutka ərzində 30 dəfə havadan hücum etdiyini bildirib.