Şimali Koreya lideri Kim Çen İnin əməliyyatı və səhhəti ilə bağlı yeni iddialar ortaya çıxıb.

Axar.az xəbər verir ki, bu barədə Cənubi Koreyada yaşayan Şimali Koreya vətəndaşlarına məxsus “Deili NK” saytı məlumat yayıb.

İddiaya görə, Şimali Koreya lideri ailəsi üçün inşa etdirdiyi “Hyanqsan” xəstəxanasında əməliyyat olunub:

“Xəstəxana Almaniya və Yaponiyadan gətirilən ən müasir tibbi avadanlıqlarla təchiz edilib. Burada çalışan həkimlər davamlı olaraq təlim keçmək üçün xaricə göndərilir. Kim Çen İni əməliyyat edən həkim də Almaniyada təlim proqramlarında mütəmadi olaraq iştirak edir. Həmin həkim təhlükəsizlik xidməti əməkdaşları tərəfindən güclü şəkildə qorunur”.

Qeyd edək ki, bir neçə gün öncə Şimali Koreyanın rəsmi xəbər agentliyi Tvitterdə ölkə rəhbərinin keçirdiyi əməliyyatdan sonra komada olduğunu açıqlayıb.