"Rusiya, ABŞ, koalisiya qüvvələri və bölgə ölkələri Şam hökumətinin çökməsini istəmir".

Axar.az xəbər verir ki, bu açıqlama ilə MKİ-nin rəhbəri Con Brennan çıxış edib. O, rəsmi Vaşinqtonun İŞİD təhlükəsinə görə, Suriyada Əsəd rejiminin çökməsini istəmədiyini bildirib:

"Suriyanın bəzi bölgələri İŞİD və Əl Qaidə kimi radikal terror təşkilatlarının tabeliyindədir. Bizim ən son istədiyimiz şey onların Şama girmələrinə icazə verməkdir. Rusiya, ABŞ, koalisiya qüvvələri və bölgə ölkələri Şam hökumətinin çökməsini istəmir. Buna görə də Suriya müxalifətinin içindəki radikal olmayan qüvvələrin gücləndirilməsi önəmlidir".