"Fransa "Mistral" helikopterdaşıyan gəmisini Rusiyaya təhvil verməzsə, çəkilən bütün xərclər faiziylə birgə geri ödənəcək".

Axar.az xəbər verir ki, bu açıqlama ilə Rosoboroneksportun baş direktoru Anatoli İsaykin çıxış edib. O, gəmi ilə bağlı yekun qərarın aprelin sonunadək veriləcəyini bildirib.

İsaykin Fransanın gəmini təslim etməməsi ilə birlikdə imicinə zərər gələcəyini də əlavə edib.

Qeyd edək ki, 2011-ci ildə Fransa ilə Rusiya arasında iki ədəd "Mistral" gəmisinin satışı ilə bağlı 1 milyard 200 milyon dəyərində müqavilə imzalanıb. Müqaviləyə görə, ilk gəmi 2014-cü ilin sonunda, ikincisi isə 2015-ci ildə Rusiyaya təhvil verilməliydi. Lakin ABŞ-ın müqaviləyə sərt reaksiya göstərməsindən sonra Fransa gəmiləri Rusiyaya verməyəcəyini açıqlayıb.