Liviyada daha 2 hərbi baza Türkiyənin istifadəsinə veriləcək.

Axar.az xəbər verir ki, bu barədə “Star” nəşri məlumat yayıb.

Məlumata görə, Türkiyə-Liviya arasındakı hərbi əməkdaşlıq çərçivəsində Haftardan geri alınan Vatiyyə hərbi bazası Türkiyənin nəzarətində olacaq. Bazaya türk PUA-larının və hava hücumundan müdafiə sistemlərinin yerləşdirilməsi planlaşdırılır.

Misirata limanı da dəniz bazası kimi Türkiyənin istifadəsinə veriləcək.

Bildirilir ki, dənizdə neft yataqlarının böyük hissəsi Türkiyəyə məxsus olacaq. Bölgədə qazma işlərinin təhlükəsizliyi üçün türk gəmilərinin mövcudluğu da zəruri görünür.