Ukrayna üçün ən böyük təhlükə “İsgəndər” raketlərilə endirilən zərbələrdir, çünki onların hədəfə çatma vaxtı cəmi bir neçə dəqiqədir. Bu, Rusiya Prezidenti Vladimir Putinin Kiyevi hədələdiyi eksperimental orta mənzilli ballistik raket “Oreşnik”dən qat-qat təhlükəlidir.

Axar.az xəbər verir ki, bu barədə ukraynalı hərbi ekspert, təlimatçı pilot, Ukrayna Silahlı Qüvvələrinin ehtiyatda olan polkovniki Roman Svitan bildirib.

“Oreşnik”lə zərbə endiriləcək, ya yox – bu, Putinin kiməsə tapşırıq verməsindən asılı deyil. İstənilən anda onların malik olduğu bütün silahlarla zərbələr endirilə bilər. Bizim üçün ən qorxulusu ballistik raketlərdir”, – Svitan vurğulayıb.

O qeyd edib ki, “İsgəndər” tipli ballistik raketlər buraxıldıqdan cəmi bir neçə dəqiqə sonra hədəfə çatır, halbuki “Oreşnik”in uçuş vaxtı 10 dəqiqədən çoxdur. Bu isə o deməkdir ki, hava hücumu siqnalı verildikdə insanlar sığınacağa keçməyə vaxt tapa bilərlər.