Bakı şəhəri, Binəqədi rayonu, Süleyman Sani Axundov küçəsindəki yolda piyada keçidi üçün işıqfor olsa da, yolun üzəri xətlənməyib.

Bu barədə ərazidə yaşayan sakinlərin Axar.az-a ünvanladıqları şikayətdə qeyd olunub.

Sakinlər yolun xətlənməməsinin piyadaların həyatını təhlükəyə atdığını deyiblər. Belə ki, dayanmanı tələb edən xətt olmadığından, avtomobillər piyada işıqforunu keçəndən sonra dayanır və piyadanın yolu keçməsi üçün məsafə məhdudlaşır.

Məsələ ilə bağlı Azərbaycan Yerüstü Nəqliyyat Agentliyindən (AYNA) saytımıza bildirilib ki, əraziyə baxış keçiriləcək və müvafiq tədbirlər görüləcək.