Ana səhifə Planet |
Türkiyədə 6-cı sinif şagirdləri üçün hazırlanan sual kitabçasındakı Din Mədəniyyəti testində "Namazla bağlı hərəkətlərdən hansı yanlış göstərilib" sualının şəkillərdən ibarət cavab variantlarından yanlış olanına Gəzi hadisələri vaxtı döyülərək öldürülən Əli Qorxmazın rəsmi qoyulub.
Axar.az xəbər verir ki, test kitabçasını hazırlayan "Sözün özü" Nəşriyyatının rəhbərliyi A kitabçasında problem olmadığını, B kitabçasında isə dizayn işçisinin səhvi nəticəsində belə bir yanlışlığın baş verdiyini və həmin adamın işdən çıxarıldığını bildirilib.
Açıqlama verən rəhbərlik belə deyib: "Fotonu qoyan adamın Əli Qorxmazın fotosunu tanıması o qədər mümkün deyil, orta təhsilli adamdır. İşdən çıxardıq. Bu fotonun hər hansı alt mənasından, hər hansı mesaj verməsindən söhbət belə gedə gedə bilməz. Türkiyə daxilində işləyən nəşriyyatıq. İllərdir test kitabçaları hazırlayırıq, ilk dəfədir ki, belə bir olayla üzləşirik. Bu həssas məsələ ilə bağlı belə bir fotonu heç kim qəsdən qoymaz. Bu, böyük səhvin nəticəsidir".
Tarix
2015.04.04 / 23:48
|
Müəllif
Nilufər Muğantürk
|