Şimali Koreya gəmilərin daxil olmaması üçün Yapon dənizinin şərq hissəsini qapalı zona elan edib.

Axar.az xəbər verir ki, bu barədə informasiyanı "Röyter" agentliyi yayıb.

Agentliyin məlumatına görə, Şimali Koreyanın bu hərəkəti raket buraxılışına hazırlıq mərhələsi ola bilər. Bundan başqa, Şimali Koreya öz sahilləri ətrafındakı suların bağlanması ilə ilgili Cənubi Koreya və Beynəlxalq Dəniz Təşkilatını xəbərdar etməyib. Cənubi Koreyanın müdafiə nazirinin məlumatına görə isə, Şimali Koreyanın raket buraxacağı ilə bağlı hələlik heç bir dəlil yoxdur.

Qeyd edək ki, daha öncə Cənubi Koreyanın müdafiə naziri Şimali Koreyanın Yapon dənizi istiqamətində yeddi raket buraxdığı barədə məlumat yaymışdı.