Ana səhifə Planet |
Ermənistanda Sərkisyana qarşı hakimiyyət çevrilişinin üstü açılıb.
Axar.az "İnterfaks" agentliyinə istinadən xəbər verir ki, əməliyyat nəticəsində "Rejimsiz 100 il" hərəkatının əsasını qoyan "Təsisedici Məclis" vətəndaş təşəbbüsü təşkilatının liderləri həbs olunub.
Agentliyin yaydığı məlumata görə, tutulan şəxslər aprelin 24-də ölkə ərazisində qeyd ediləcək "erməni soyqırımı" qurbanlarının anım günündə kütləvi iğtişaşlar keçirməyə hazırlaşıblar. Qrup həmin gün güc metodlarından istifadə edərək, polisə müqavimət göstərmək üçün çağırış paylaşıblar. Təşkilatın üzvləri hakimiyyət üzvlərinə qarşı da aktiv güc tətbiqinə çağırış ediblər.
Həbs edilən şəxslər arasında təşkilatın üzvləri Pavel Manukyan və Jirayr Sefilyan da var. Ermənistanda Milli Təhlükəsizlik Xidməti Jirayr Sefilya, Varujana Avetisyan və Karo Yenukyanın evlərində axtarış aparır.
Qeyd edək ki, hazırda həbs edilən şəxslərə qarşı Ermənistan Cinayət Məcəlləsinin 225-ci maddəsi (cinayətə hazırlıq) üzrə cinayət işi qaldırılıb.
Tarix
2015.04.07 / 13:25
|
Müəllif
İlkin Həsənov
|