Ana səhifə Planet |
"GUAM Rusiya ilə Cənubi Osetiya arasında imzalanan müttəfiqlik və inteqrasiya haqqında müqaviləni pisləyir".
Axar.az xəbər verir ki, bu barədə məlumat təşkilatın rəsmi saytında yerləşdirilib.
Təşkilatın bəyanatında Cənubi Osetiya ilə imzalanmış müqavilənin Gürcüstanın ərazi bütövlüyü və suverenliyinə qarşı yönəldiyi bildirilib:
"Bu müqavilə Gürcüstan ərazilərinin faktiki olaraq anneksiyası deməkdir. Bu, qeyri-qanuni akt beynəlxalq hüququn prinsipləri və normalarının pozulmasıdır. O, heç bir hüquqi qüvvə daşımır. GUAM aktiv şəkildə Gürcüstanın beynəlxalq aləmdə tanınmış ərazi bütövlüyünü və suverenliyini dəstəkləyir".
Qeyd edək ki, Rusiya bu ilin martında Cənubi Osetiya ilə müttəfiqlik və inteqrasiya haqqında müqavilə imzalamışdı. Müqaviləyə əsasən, Rusiya qondarma rejimin müdafiəsini öz üzərinə götürmüş olur.
GUAM təşkilatının 4 üzvü var - Gürcüstan, Ukrayna, Azərbaycan və Moldova. GUAM-a qədər Azərbaycan MDB ölkələrinin Bişkek sammitində Rusiyaya qarşı sanksiyaları pisləyən sənədə imza atmaqdan imtina etmişdi. Onunla eyni sırada Moldova, Gürcüstan və Özbəkistan dayanmışdı.
Tarix
2015.04.10 / 17:21
|
Müəllif
İlkin Həsənov
|