Koronavirus pandemiyası fonunda Rusiyadakı əmək miqrantları arasında kütləvi işsizlik yaranıb, cinayətkarlıq artıb.

Axar.az xəbər verir ki, bunu Rusiya Təhlükəsizlik Şurası katibinin müavini Dmitri Medvedyev deyib. Onun sözlərinə görə, koronavirusla bağlı tətbiq edilən karantin ucbatından təxminən 40% miqrant öz işindən məhrum olub:

“Bu, sözsüz ki, cinayətkarlığın artımı üçün münbit şərait yaradır. Daxili İşlər Nazirliyinin məlumatına əsasən, Moskva, Sankt-Peterburq, Yekaterinburq, Murmansk vilayətlərində 2020-ci ilin iyulunda xarici vətəndaşlar tərəfindən ictimai asayiş pozuntularının sayı artıb”.

Medvedyev bunun üçün miqrantlara Rusiya ərazisində iş haqqının verilməsi prosedurunun çətinləşdirilməsi variantının nəzərdən keçirildiyini söyləyib.