Belarus Prezidenti Aleksandr Lukaşenko sənaye tətilləri ilə bağlı edilən çağırışlara münasibət bildirib.

Axar.az xəbər verir ki, Belarus lideri bunu tikinti sənayesilə bağlı keçirdiyi müşavirə zamanı deyib.

Onun sözlərinə görə, tətillər müəssisələrin gələcək işlərinə mənfi təsir göstərə bilər.

“Siz mənim mövqeyimi bilirsiniz. Pandemiya dövründə vətəndaşlarımızı işdən çıxarmağı qadağan etmişdim. Bizim mövqeyimiz birmənalıdır: pandemiyanın çətin vaxtlarında heç kimi işləməyə məcbur etməmişik. İndi də heç kimi iş yerlərində məcbur saxlamamalıyıq. Vətəndaşlarımız işləmək istəyirlərsə, buyursunlar. İşləmək istəməyənləri heç bir halda saxlaya bilmərik. Lakin bildirmək istəyirəm ki, əgər istehsalımızı dayandırsaq, onu heç vaxt əvvəlki vəziyyətinə geri qaytara bilməyəcəyik”, – Prezident bildirib.