13:51

Suriyada fəaliyyət göstərən PKK terrorçuları Qarabağ başda olmaqla, Azərbaycanın işğal olunmuş bölgələrinə yerləşdirilir.

Axar.az xəbər verir ki, bunu türkiyəli məşhur hərbi ekspert Abdullah Ağar ölkə mətbuatına açıqlamasında deyib.

O bildirib ki, terrorçular ailələri ilə birgə bölgəyə gətirilir:

“Azərbaycanlılara məxsus torpaqları zorla ələ keçirməyə və bölgənin demoqrafik quruluşunu dəyişməyə çalışırlar. Bunun nümunələri də var. Azərbaycan Prezidenti İlham Əliyevin köməkçisi başda olmaqla, bir çox rəsmi şəxslər bu barədə Türkiyəyə məlumat verib. Belə bir proses Ermənistan tərəfindən gizli şəkildə davam etdirilir. Onlar Türkiyə ilə Azərbaycan arasında tampon bölgə yaratmağa çalışırlar. Məqsəd iki ölkə arasındakı əlaqəni pozmaqdır. Bu, keçmişdə də olub, indi də davam edir. Ermənistan hazırda PKK ilə əməkdaşlıq çərçivəsində bunu tətbiq edir. Biz keçmişdə də belə prosesləri çox gördük. Vacib olan bunun qarşısının alınmasıdır. Ən vacib olan Dağlıq Qarabağ və 7 rayonu Ermənistandan alıb əsl sahibinə - Azərbaycana qaytarmaqdır. Çünki bura Azərbaycan torpağıdır”.