ABŞ Prezidenti Barak Obama Çini qonşu ölkələrə qarşı torpaq iddiası qaldırdığına görə tənqid edib.

Axar.az xəbər verir ki, Ağ Evdə Yaponiyanın Baş naziri Şinzo Abe ilə görüşən Obama rəsmi Pekini mövcud problemləri diplomatik yolla həll etməyə çağırıb.

"Frans Press"in məlumatına görə, iki ölkə liderinin təkbətək görüşündə Çinin Cənubi Çin və Yapon dənizlərindəki aktivliyi müzakirə olunub. Obama və Abe arasında bütün təhdidlərə qarşı birlikdə mübarizə aparmaq və müdafiə sahəsində əməkdaşlığı genişləndirmək sahəsində razılıq əldə olunub.

ABŞ lideri hər zaman müttəfiqi Yaponiyanın yanında olacaqlarını, Vaşinqtonun Senkaku adalar qrupu da daxil olmaqla Tokionun təhdid altında olan bütün ərazilərini qoruyacağını bildirib.