London məhkəməsi Sergey İvanov və Rusiyanın ən yüksək vəzifəli şəxslərinin Kolumbiyadan Avropaya gətirilən narkotikin qaçaqmalçılığı ilə məşğul olmaları barədə materialları yayımlayıb.

Axar.az xəbər verir ki, bu barədə informasiyanı BBC radiosunun rus bölməsi yayıb.

Radionun məlumatına görə, məhkəmədə təqdim edilən bütün materiallar Viktor İvanovun dosyesinə daxildir. Dosyedə İvanovun Tambov cinayət qruplaşmasının lideri Vladimir Kumarinlə sıx əməkdaşlıq etdiyi və onun Peterburq dəniz limanını nəzarətə almasına yardımçı olduğu bildirilib. Bundan başqa İvanova bu işdə Putinin də yardım etdiyi deyilib. Məhkəmə bu barədə bütün informasiyaları KQB-nin keçmiş polkovniki Yuri Şveçin 2006-cı ildə Aleksandr Litvinenkonun sifarişi ilə tərtib etdiyini vurğulayıb.

Qeyd edək ki, sözügedən faktların hamısı Federal Təhlükəsizlik Xidmətinin keçmiş əməkdaşı Aleksandr Litvinenkonun işi üzrə aparılır. Britaniya hələ də Litvinenkonun Rusiya tərəfindən poloniumla zəhərlənərək öldürüldüyünü iddia edir.