İranda yeni növ koronavirusla əlaqədar yenidən karantin rejimi tətbiq olunacaq.

Axar.az xəbər verir ki, bu açıqlama ilə İran Prezidenti Həsən Ruhani çıxış edib.

Ruhani qeyd edib ki, ölkədə koronavirusa yoluxma və ölənlərin sayının artması ilə bağlı xüsusi karantin rejimi tətbiq olunacaq:

"İranın 25 vilayətindəki 46 şəhərdə 10 gün müddətinə karantin rejimi tətbiq ediləcək. Təhsil müəssisələri ilə yanaşı, ictimai iaşə obyektlərinin fəaliyyəti qadağan olunacaq".

Qeyd edək ki, İranda ümumilikdə 612 min 772 nəfər koronavirusa yoluxub, 34 min 864 nəfər isə virusdan ölüb.