Alman Xarici Kəşfiyyat Xidmətinin (BND) ABŞ Milli Təhlükəsizlik Agentliyinə (NSA) avropalı siyasətçilər haqda məlumat toplamasında yardımçı olması ölkədə gərginliyə səbəb olub.

Axar.az xəbər verir ki, BND-nin hansı məlumatları NSA-ya çatdırılmasının öyrənilməsini istəyən Yaşıllar Partiyasından NSA Araşdırma Komissiyasının üzvü Konstantin von Notz məlumatların paylaşılmasını tələb edib. O, əks təqdirdə hüquqi yola əl atacaqılarını bildirib.

NSA Araşdırma Komissiyasının digər üzvü Martina Renner də həmkarının fikrinə şərik çıxıb. Sol Partiyanın sədri Bernd Riexinger isə bir az da irəli gedərək BND skandalına görə daha əvvəl kəşfiyyat xidməti idarəsində yüksək vəzifə tutan Tomas de Mezier, Frank-Valter Ştaynmayer, Ronald Pofalla və hazırki Xüsusi Məsələlər üzrə Federal nazir Peter Altmayerin komissiyada sorğu-sual edilməsinin tərəfdarı olduğunu açıqlayıb.

Xatırladaq ki, bir neçə gün öncə yayılan məlumatlara görə, uzun illər BND ABŞ Milli Təhlükəsizlik Agentliyinə Fransa hökuməti, AB Komissiyası və bəzi Avropa şirkətləri haqqında casusluq fəaliyyətində yardım edib.

"Bild" qəzetinin xəbərinə görə, ilk dəfə 2012-ci ildə prezident BND-nin dinləmə fəaliyyəti ilə bağlı məlumatlandırılıb.