ABŞ siyasi elitası həm daxili düşmənlərə qarşı mübarizədə, həm də Rusiyaya qarşı informasiya müharibəsində sosial şəbəkələr və texnoloji şirkətlər üzərində nəzarəti gücləndirəcək.

Axar.az xəbər verir ki, bunu "Valday" klubunun eksperti Dmitri Suslov bildirib.

"İndi ənənəvi ABŞ elitasının əsas vəzifəsi hakimiyyətdə özünə yer tutmaqdır və bunun üçün ABŞ-da sosial şəbəkələr və texnoloji şirkətlər üzərində siyasi sistem nəzarəti yaratmaq lazımdır. Məhz bu amil 2016-cı ildə Donald Trampın qalib gəlməsinə, Amerika siyasi həyatının bir fenomeninə çevrilməsinə, o zamana qədər yüksələn etiraz dalğasına rəhbərlik etməsinə, bu etiraz dalğasının bir çox cəhətdən təşkilinə imkan verdi. Bu gün bunun bir daha baş verməməsi ABŞ siyasi elitası üçün vacibdir", - Suslov qeyd edib.

Suslov bu şərtlər altında Rusiyanın rəqəmsal suverenliyi ilə bağlı tapşırığının ekzistensial xarakter qazanacağını deyib:

"Əks təqdirdə, ABŞ-dakı trampçılar bu gün bu müharibənin qurbanı olduqları kimi, biz də bu informasiya müharibəsinin obyekti olacağıq".