Dünyanın müdafiə xərcləri artaraq, 1,93 trilyon dollara çatıb.

Axar.az xəbər verir ki, bu məlumatı “Jane`s” informasiya analitik mərkəzi yayıb. Məlumata görə, 2020-ci ildə artım 2019-cu illə müqayisədə 1,9% çox olub.

Dünyanın ümumi müdafiə xərcinin 2%-i Rusiya və MDB ölkələrinin payına düşüb.

Müdafiə xərcləri baxımdan ən böyük artım Avropada qeydə alınıb: 5,6%.

Mərkəz 2021-ci ildə dünyanın hərbi xərclərinin artımının böhran ucbatından zəifləyəcəyini bildirib:

“Pandemiyanın maliyyələşməyə ən ciddi təsiri böyük ehtimalla 2022-ci ildə qeydə alınacaq. Bu tarixdə hökumətlər xərcləri məhdudlaşdıracaqlar. Bununla belə müdafiə xərcləri 2030-cu ilə qədər 2,23 trilyon dollara yüksələcək”.

Mərkəz MDB və Rusiyanın hərbi xərclər baxımından payının 2030-cu ildə 3%-ə yüksələcəyini qeyd edib.

2020-ci ildə hərbi xərclər baxımından ən böyük payın Şimal Amerikaya düşdüdüyü bildirilib. Şimali Amerika dünyanın hərbi xərclərinin 40%-nə sahib olub. Ondan sonrakı yerlərdə Asiya-Sakit okean regionu (28%), Qərbi Avropa (15%), Yaxın Şərq və Şimali Afrika (9%), Latın Amerikası (3%), Rusiya və MDB (2%), Şərqi Avropa (2%), Böyük Səhradan cənubdakı Afrika (1%) qərarlaşıb.