Rusiya qərbyönümlü Maya Sandunun Moldovada hakimiyyətə gəlməsindən sonra qondarma Dnestryanıda güc ssenarisi tətbiq edəcəyindən narahatdır. Kreml işğal etdiyi ərazilərdən məhrum ola bilər.

Axar.az xəbər verir ki, bu barədə Rusiyanın “Nezıqar” Teleqram kanalı yazıb.

“Moldovada yeni rəhbərlik Dnestryanı probleminin güc yolu ilə həlli varinatını istisna etmir. Sandu Kiyevə səfəri zamanı Prezident Vladimir Zelenski ilə bu ssenarini müzakirə edib”, - kanal yazıb.

Kanal bildirib ki, Sandunun planlarında Moldovadakı rusyönümlü qüvvələrin tamamilə məhv edilməsi var:

“Məlumata görə, o, bu məsələdə Rumıniya, Polşa və Britaniyanın dəstəyini təmin edib, hətta bunu Türkiyə ilə də müzakirə edir”.