ABŞ Suriya ordusunun İŞİD-i dəstəklədiyini iddia edib.

Axar.az xəbər verir ki, 2012-ci ildən Dəməşqdə fəaliyyətini dayandıran ABŞ səfirliyi terrorçuların Hələbdə irəliləməsi üçün Suriya ordusunun hava hücumları reallaşdırdığını iddia edib.

Səfirlik baş verən hadisələrə Tvitterdə münasibət bildirərək Suriyanı ittiham edib:

"Əldə olunan məlumata görə, Suriya ordusu İŞİD-in Hələbdə irəliləməsi üçün hava hücumları təşkil edir. Son xəbərlərə görə, rejim ordusu İŞİD-in olduğu bölgələrdən çəkilməklə kifayətlənməyərək onların irəliləməsini təmin edir".

Eyni zamanda səfirlik Suriya Prezidenti Bəşər Əsədin qanuniliyini çoxdan itirdiyini və terrorizmə qarşı mübarizədə heç bir fayda verməyəcəyini açıqlayıb.