"Zaman tükənir, ancaq tək Yunanıstan yox, bütün Avropa üçün".

Axar.az xəbər verir ki, bu açıqlama ilə Yunanıstan Baş naziri Aleksis Çipras çıxış edib. O, beynəlxalq kreditorların təklif etdikləri şərtlərin ağır olduğunu və onlara boyun əyməyəcəklərini bildirib:

"Avropa ölkələri Yunanıstanla bağlı hadisələri maraqla izləyirlər. Yunanıstanın cəzalandırılmasının yalnız bizə zərər verəcəyini düşünənlər böyük səhv edirlər. Bunu düşünənlər bilsinlər ki, bizdən sonra Cənubi Avropa ölkələri üçün də həyəcan təbili çalınacaq. Bu mübarizə yalnız Yunanıstanı deyil, bütün Avropa xalqlarının gələcəyini maraqlandırır. Əgər bu mübarizədə biz qalib gəlsək, hər kəs qazanacaq".

Qeyd edək ki, Yunanıstan bu həftə Beynəlxalq Valyuta Fonduna (BVF) ödəməli olduğu 1,6 milyard avroluq kredit borcunu ayın sonuna kimi təxirə salıb.