"Parlament seçkisi bir daha göstərdi ki, AKP millətin onurğasıdır".

Axar.az xəbər verir ki, bu barədə Türkiyə Baş naziri Əhməd Davudoğlu AKP-nin konfransında çıxışı zamanı deyib. O, Türkiyədə xaos mühiti yaratmaq istəyənlərə icazə verməyəcəklərini bildirib:

"Parlament seçkisi bir daha göstərdi ki, AKP millətin onurğasıdır. Biz beş, ana müxalifət partiyaları isə 37 bölgədən seçkini uduzdu. Bu nəticələrə baxmayaraq, partiyamızın üzərində pessimizm əhval-ruhiyyəsi yaratmağa çalışırlar. "AKP dövrü bitdi" deyənlər bilsinlər ki, bu cədvəl AKP-siz Türkiyə siyasətinin qeyri-mümkünlüyünü ortaya qoydu. Hazırki situasiyada Türkiyədə xaos mühiti yaratmağa çalışanlar olacaq. Biz onlara da hazırlıqlıyıq. Bu qüvvələr hər dəfə maneə ilə qarşılaşdıqlarında, "görəsən AKP-ni daxildən parçalamaq mümkündürmü?" - deyə düşünürlər. Bizim aramıza nifaq salmaq istəyənlər bilsinlər ki, AKP müvəqqəti partiya yox, tarixi gedişin bugünkü adıdır. AKP yenilənəcək və yeni Türkiyə qurulacaq. Bu yenilənmə ənənələri davam etdirmək və partiyamızı gücləndirmək üçün olacaq".