Rusiya antihitler koalisiyasındakı müttəfiqlərin faşizm üzərində qələbədə töhfəsini unutmur və müharibə ilə bağlı həqiqətlərin siyasi konyunktura naminə saxtalaşdırılmamasına diqqət yetirir.

Axar.az xəbər verir ki, bunu Rusiyanın Berlindəki səfiri Sergey Neçayev deyib.

"Bu gün bizim üçün müqəddəs bir gündür. Xalqımız müharibədə bu qədər kədərə, əziyyətə dözdü, nasist Almaniyasını məğlub etmək üçün 27 milyon insan itirdik. 700 min əsgərimiz isə alman torpağında dəfn olundu", - Neçayev vurğulayıb.

Səfir bəzi qonşu ölkələrin SSRİ ilə Hitler Almaniyasını müqayisə etməyə meyilli olduğunu qeyd edib.

Polşada sovet abidələrinin məhv edildiyini söyləyən Neçayev bunu böyük bir ayıb hesab etdiklərini və bunun qəzəbə səbəb olduğunu vurğulayıb.