Almaniyanın xarici işlər naziri Hayko Maas Qəzzadakı gərginliyin üç mərhələdə azaldılması ilə bağlı təklifi dəstəkləyib.

Axar.az xəbər verir ki, bu barədə “Döyçe Velle” nəşri yazıb.

Onun sözlərinə görə, ilkin mərhələdə raket hücumları dayandırılmalı, daha sonra təcavüzə son verilməli, ən axırda isə israillilər və fələstinlilər arasında danışıqlara qayıdılmalıdır.

Yaşıllar Partiyasından kansler vəzifəsinə namizəd olan Annalena Berbok isə alman hökumətini Qəzza münaqişəsinin həllində aktiv olmağa və regiona vasitəçilər göndərməyə çağırıb.

“İsrailin təhlükəsizliyi Almaniyanın dövlət maraqlarına cavab verir. Biz HƏMAS tərəfdən edilən iyrənc hücumları passiv şəkildə müşahidə edə bilmərik”, - Berbok bildirib.