Prezident Rəcəb Tayyib Ərdoğandan Menbiç və Tel Rifat başda olmaqla, Suriyanın digər bölgələrindən muzdlu qüvvələrin çıxarılması üçün hərbi müdaxilə etməsini istəyirik.

Axar.az xəbər verir ki, bunu Suriya Müxalifət və İnqilabçı Qüvvələrin Milli Koalisiyasının rəhbəri Nəsir Həriri deyib.

“Türkiyədən, Rəcəb Tayyib Ərdoğandan, Suriyaya əhəmiyyət verən bütün azad dünyadan xalqın və milli ordunun yanında olmasını, Menbiç və Tel Rifat başda olmaqla, Suriyanın digər bölgələrindən muzdlu qüvvələrin çıxarılması üçün hərbi müdaxilə tələb edirik. Terror təşkilatlarına dəstək verən ölkələrdən, xüsusilə ABŞ-dan terrorçulara hərbi və siyasi dəstək vermələrini dayandırmasını, eyni zamanda dinc əhaliyə qarşı istifadə edilən ağır silahları geri çəkmələrini istəyirik”, - N.Həriri bildirib.

Qeyd edək ki, iyunun 12-də YPG/PKK Afrində xəstəxananı raket zərbələri ilə vurub. Hücum zamanı 14 nəfər ölüb, 32 insan isə yaralanıb.