Həm Qərbi Balkan ölkələri, həm də Türkiyənin AB-yə tam üzvlüyü Avropada sabitlik və firavanlıq üçün əməkdaşlığın hərtərəfli inkişafına təkan verəcək. Polşa olaraq buna inanırıq.

Axar.az xəbər verir ki, bunu Polşa xarici işlər naziri Zbiqnev Rau deyib.

O bildirib ki, AB-yə inteqrasiya prosesi birbaşa müdafiə və sabitliyə təsir göstərir:

“Həm namizəd ölkələrə, həm də potensial namizəd ölkələrə demokratik islahatlar və iqtisadi inkişaf üçün dəstək vermək çox vacibdir. Polşa AB-nin inkişafını strateji bir məsələ olaraq görür. AB ilə Türkiyənin etibarlı tərəfdaş kimi bir-birlərinə ehtiyacı var. Xüsusilə, təhlükəsizlik, terrorla mübarizə, ticarət və miqrasiya məsələlərində. Hazırkı vəziyyətə baxdıqda, Türkiyənin namizədlik statusu davam etməli və danışıqlar şərtlər daxilində aparılmalıdır”.