Amerikanın NBC telekanalı immiqrantlarla bağlı çıxışından sonra məşhur iş adamı Donald Trampla iş əlaqələrinə son qoyub.

Axar.az xəbər verir ki, 2016-cı ildə ABŞ prezident seçkiləri üçün Respublikaçı Partiyadan namizədliyə adını irəli sürən iş adamı Tramp immiqrantlarla bağlı söylədiyi sözlərindən sonra kəskin reaksiyalarla üzləşib.

NBC televiziyası bundan sonra iş adamı Tramp ilə NBC-nin ortaq işi olan "Miss USA" və "Miss Universe" proqramlarının artıq yayınlanmayacağını və "Celebrity Apprentice" proqramının da Trampsız davam edəcəyi açıqlayıb:

"NBC bütün insanlara hörmət və ləyaqət dəyərlərimizin əsas meyarıdır. Trampın immiqrantlarla bağlı alçaldıcı şərhinə görə NBC Universal Donald Trump ilə iş əlaqələrini kəsir".

Qeyd edək ki, Tramp ABŞ 2016-cı ildə keçiləcək prezident seçkilərinə namizərdliyini açıqlayarkən meksikalı köçkünlərin "çox problemli" olduğunu və problemlərini ABŞ-a daşıdıqlarını söyləmişdi. O, Meksika sərhədinə çox böyük bir divar çəkəcəyini və pulunu isə Meksikanın ödəyəcəyini bildirmişdi. Bunun səbəbini isə Meksikanın ABŞ-a təcavüzçü, narkotik satıcısı və günahkarlar göndərməsi kimi açıqlamışdı.