Şimali Koreyadan Finlandiyaya qaçan Leenin adlı alim ölkəsi haqda dəhşətli məlumatlar verib. Alimin sözlərinə görə, diktator Kim Çen In kimyəvi silahları vətəndaşlar üzərində sınaqdan keçirir.

Axar.az xəbər verir ki, Şimali Koreya İnsan Haqları Komitəsinin Cənubi Koreyanın "Yonhap" agentliyinə verdiyi məlumata görə, 47 yaşlı alim iyunun 6-da çalışdığı Çin sərhədindəki araşdırma mərkəzindən qaçıb.

Yalnız soyadı Leenin olduğu deyilən bu şəxs bioloji və kimyəvi silahların insanlar üzərində sınaqdan keçirildiyini sübut edən 15 gb ölçüsündə yaddaş kartı olduğunu iddia edib.

Filippindən keçərək ölkəni tərk etdiyi deyən Leenin bu ayın sonunda Avropa Parlamentində çıxış edəcək.

Mərkəzi ABŞ-da yerləşən Şimali Koreya İnsan Haqları Komitəsinin direktoru Qreq Skarlatouiu Finlandiyanın "Helsingin Sanomat" qəzetinə verdiyi müsahibəsində yayılan məlumatları təsdiq edib. Onun sözlərinə görə, kimyəvi silahların testi üçün sadə vətəndaşlardan istifadə edilməsinə dair əllərində yetərli faktlar mövcuddur.