Vyanada İranla "Altılıq" arasında davam edən nüvə danışıqları zamanı gərginlik yaşanıb.

Axar.az xəbər verir ki, gərginlik İranın Xarici İşlər naziri Məhəmməd Cavad Zəriflə Avropa Birliyi Xarici İşlər üzrə nümayəndəsi Federika Moqerini arasında yaşanıb.

AB təmsilçisinin "dayandığın nöqtə gördüyümüz işin zaman itkisindən başqa bir şey olmadığını göstərir" sözlərinə Zərif "bizi təhdid etmə, əsla bir iranlını təhdid etmə", - deyə, cavab verib.

Kerrinin rəhbərliyi etdiyi ABŞ nümayəndə heyəti vəziyyəti kənardan izləyərkən Rusiyanın Xarici İşlər naziri Sergey Lavrov araya girərək vəziyyəti sakitləşdirib.

İddialara görə, Lavrov da Zərifə xitabən "əsla bir rusu da təhdid etmə"ifadəsini işlədib.

Xarici mətbuata sızan bəzi məlumatlara görə, Obama razılaşmanın əldə olunma ehtimalının əlli-əlliyə olduğunu bildirib.

Qeyd edək ki, dünən də İranla "Altılıq" arasında razılıq əldə olunmayıb. Vaxtın uzadılması ilə bağlı hələ ki heç bir açıqlama verilməyib.