"Lukoyl" Avropa Komissiyasına Rumıniyadakı aktivlərinin qorunması üçün müraciət edib.

Axar.az xəbər verir ki, bu barədə informasiyanı "Lukoyl"un rəsmi nümayəndəsi Tomas Müller yayıb.

Müllerin sözlərinə görə, "Lukoyl"un müraciəti Avropa Komissiyasının sədr müavini Maroş Şefçoviçə ünvanlanıb. Məktubda şirkət Rumıniyanın vəziyyəti düzəltməyəcəyi halda Avropadakı 9 milyard avroluq 4 əsas neftayırma zavodunun (İtaliya, Rumıniya, Niderland, Bolqarıstan) ziyan görəcəyini bildirib.

Qeyd edək ki, bir müddət öncə Rumıniya məhkəməsi "Lukoyl"un ölkədəki 2 milyard avroluq əmlakına həbs qoyulması haqqında qərar çıxarmışdı.