Məşhur aktyor Coni Deppin həyat yoldaşı Amber Hörd özlərinə məxsus iki iti mayda qaçaq olaraq Avstraliyaya apardığı üçün məhkəməyə çağırılıb.

Axar.az xəbər verir ki, Hörd Deppin film işlərini davam etdirdiyi Avstraliyaya gedərkən yanında apardığı iki itin öldürülə biləcəyini öyrənəndə çox qəzəblənmişdi. Avstraliya Kənd Təsərrüfatı Nazirliyi rəsmisinin Amber Hördün məhkəməyə çağırıldığını təsdiqləməsi isə Hollivudun məşhur cütlüyünün itləri Pistol və Boonun yaratdığı mübahisənin hələ bitmədiyini göstərir.

Bu ilin əvvəlində Depp və Hörd cütlüyünün həbs və ya maksimum 30 min dollar pul cəzası ala biləcəyi iddia edilmişdi.

Coni Depp hələ də "Qəraib dənizinin quldurları" seriyasının beşinci filminin çəkilişlərini davam etdirir.

Pistol və Boo ilə aktyorun həyat yoldaşı Amberin Avstraliyada olub-olmadığı isə məlum deyil.