Xalqların Demokratik Partiyasının 9 millət vəkili barəsində toxunulmazlığın aradan qaldırılması ilə bağlı Türkiyə Böyük Millət Məclisinə müraciət daxil olub.

Axar.az xəbər verir ki, toxunulmazlığının alınması tələb edilən 9 deputat içərisində HDP-nin Şirnakdan olan millət vəkili Faysal Sarıyıldız da var.

Terror təşkilatı PKK-ya silah ötürməkdə ittiham edilən HDP-nin bəzi deputatları barəsində TBMM-nin qərar verməsi gözlənilir. Məclisdə səsvermə keçiriləcək. Əgər Sarıyıldızın əleyhinə səs sayı çox olarsa, onu 25 ilə qədər həbs cəzası gözləyir.

Qeyd edək ki, Şanlıurfa Ceylanpınar Baş Prokurorluğu Sarıyıldızı PKK-ya silah və bombalar ötürməkdə ittiham edərək barəsində istintaq işi başladıb.