Rusiya İsveçin Moskvadakı səfirliyinin əməkdaşını persona-non qrata elan edib və ölkədən çıxarıb.

Axar.az xəbər verir ki, bu barədə İsveç Xarici İşlər Nazirliyinin sözçüsü Cohan Tegel ictimaiyyətə məlumat verib. O, Rusiyanın bu addımı rus diplomatının İsveçdən deportasiya edilməsinə cavab olaraq atdığını bildirib.

Rusiya Xarici İşlər Nazirliyi də isveçli diplomatın ölkədən çıxarıldığını təsdiqləyib. Lakin hər iki tərəf diplomatın adını açıqlamayıb.

Qeyd edək ki, İsveç bir müddət öncə vəzifəsinə və statusuna uyğun olmayan fəaliyyətlərlə məşğul olduğunu əsas gətirərək, adı açıqlanmayan rus diplomatı deportasiya etmişdi.